اوستاد شهریارین عزیزله مه سینی گوره شعرین یازیرام :
اولدوز ساياراق گوزله ميشم هر گئجه ياری
گج گلمه ده دير يار يئنه اولموش گئجه ياری
گؤزلر آسيلی يوخ نه قارالتی نه ده بير سس
باتميش گولاغيم گؤرنه دؤشور مکده دی داری
بير قوش آييغام! سويليه رک گاهدان اييلده ر
گاهدان اونودا يئل دئیه لای-لای هوش آپاری
ياتميش هامی بير آللاه اوياقدير داها بير من
مندن آشاغی کيمسه يوخ اوندان دا يوخاری
قورخوم بودی يار گلمه يه بيردن ياريلا صبح
باغريم ياريلار صبحوم آچيلما سنی تاری!
دان اولدوزی ايسته ر چيخا گؤز يالواری چيخما
او چيخماسادا اولدوزومون يوخدی چيخاری
گلمز تانيرام بختيمی ايندی آغارار صبح
قاش بيله آغارديقجا داها باش دا آغاری
عشقين کی قراريندا وفا اولمياجاقميش
بيلمم کی طبيعت نيه قويموش بو قراری؟
سانکی خوروزون سون بانی خنجردی سوخولدی
سينه مده أورک وارسا کسيب قیردی داماری
ريشخندله قيرجاندی سحر سويله دی: دورما
جان قورخوسی وار عشقين اوتوزدون بو قماری
اولدوم قره گون آيريلالی او ساری تئلدن
بونجا قره گونلردی ایدن رنگيمی ساری
گؤز ياشلاری هر يئردن آخارسا منی توشلار
دريايه باخار بللی دی چايلارين آخاری
از بس منی ياپراق کيمی هيجرانلا سارالديب
باخسان اوزونه سانکی قيزيل گولدی قيزاری
محراب شفقده ئوزومی سجده ده گؤردوم
قان ايچره غميم يوخ اوزوم اولسون سنه ساری
عشقی واريدی شهريارين گللی- چيچکلی
افسوس قارا يل اسدی خزان اولدی بهاری
استاد شهریارین بو گوزل شعرینی عزیز قایا قیزینین سایتیندان آلمیشام
سنين بهــره ن يئين كــيم ديــر ؟
كيمينكي سن ؟ ييه ن كيم دير ؟
سنه دوغـري دئيه ن كــيم ديـر ؟
يـــالان دنيــــا ، يــــالان دنيـــا
...
ســني فــــــــــــرزانه لــر آتـــدي
قــاپيب ، ديــــوانه لـــر تــوتــدي
كــيمي آلدي ، كــيمي ســاتدي
ســــاتـــان دنيــــــا ، آلان دنيــــا
...
آتـــــي ازل داغـــا ســالــديـــق
يــورولــدوقجا ، دالــي قــالـديق
آتـــــي ســـاتديق اولاغ آلـــــديق
يه هــــر اولـــدي ، پـــالان دنيـا
...
بيري آيــنا ، بيـــري پــــاس ديـــر
بيري آيــدين ، بيري كــاس ديـر
گئجه طوي دير ، سحر ياس ديــر
گــول آچــديقدا ، ســولان دنيـــا
...
ايـــگيت لـــرين باشــين يئيه
قــوجــالار بـــوز بــاشين يئيه ن
قــــبير لــرين داشـــين يــئيه ن
ئــــــوزو يـــئنه قــــــــالان دنيــــا
...
نـه قاندين ، كيم گول اكـن ديــر
كــيم قيليج تك قان توكن ديـــر ؟
تـــيمور هـــله كـــوره كــن ديــر
چــــنگيز جــــانين ، آلان دنيــــا
...
يـــامـــان قــورقــو ييغيلايــديــن
طـــــــوفانـــلاردا بوغـــولايديــــن
نـــولـــيدي بير داغــــيلايـــديـن
بيــــزي درده ســــــــالان دنيـــا
...
چـاتيپ ، سندن كوچن كئچدي
اجــل جامين ، ايچه ن كئچــدي
اولان اولــدي ، كـئچن كــئچدي
نــــه ايســــتيرديــن اولان دنيـــا
...
بــوغـــلايدين ، دوغــات يـــئرده
دوغـــوب خـــلقي بـــوغان يئرده
اوغـــول نعشين اوغــــان يئرده
آنـــا زولفـــــين يـــــولان دنيـــــا
...
قـــازانيب هـــي تــالانيب سا
قـــالانيب هـــي جالانيب سـان
ازلـــدن چـــالـــخالانيب سان
يــــــئنه ده چــــــالخـــالان دنيـــا
...
ننه قــــارني ، ايــلك بئشيگون
قـــبرستانليق ،سـون دئشيگون
نــه ايچـــه ريــن نـــه ائشيگون
قــــارانلـــيق بيـــر دالان دنيــــا
...
ســـني بـــايقوشلار آلقشـــلار
ده لـــي ، ويـــرانه ني خوشلار
دولان عقـــله ، ســـني بوشـلار
ايچي بوشـــــــلا ، دولان دنيـــا
...
ســــنه قـــارونـــلار آللانـــــدي
قـــيزيـلدان تـــللي قــــــالاندي
بـــاتيب ظلماتـــه قـــويلانـــدي
اولـــوب تــــللي تـــــالان دنيـــــا
...
اوجـاق ايــكن سـونونموشسن
چــاناق ايــكن چـونونموشسن
نه پيس قاري ننه ايمش ســن
ناغــــيل يـــالان پــــالان دنيــــا
يـــالان دنيــــا ، يــــالان دنيـــا
http://gayagizi3.blogspot.com
|
|
آذربايجان اودلو ائليم
بالدان شيرين توركو ديليم
دالغالانديرير منيم سئليم
هيمته قوربان من اولوم.
آسلان كيمي نعره چكه ن
نامردلرين قدين بوكه ن
بابك كيمين رهبر سئچه ن
جراته قوربان من اولوم.
قوي دئييم بير بابك`يمدن
اؤز يوردومون ار تكيندن
دوشمنلري قير كؤكوندن
ميللته قوربان من اولوم.
جاوانلارين غئيرتي وار
قوجالارين حؤرمتي وار
گئچميش ائلين عيزتي وار
عيزته قوربان من اولوم.
ساوالان تك داغلاريميز
چيچكليدير باغلاريميز
كوراوغلوموز٬ نيگاريميز
قامته قوربان من اولوم.
سازلي صؤحبتلي آشيقلار
اينسانلارا جان باغيشلار
قوي قار ياغسين هم ياغيشلار
صؤحبته قوربان من اولوم.
سرين – سرين بولاقلارين
قويونلارين٬ قوزولارين
ياشيل باشلي سونالارين
قيرآت`ا قوربان من اولوم.
پئيمانه لر دول-ها-دولا
ايگيدلرين ساغدان سولا
جان وئره ريك بيز بو يولدا
قدرته قوربان من اولوم.
يورولماسين ائللريميز
هئچ سولماسين گوللريميز
لال اولماسين ديللريميز
نييته قوربان من اولوم.
دومان داغلار باشيندادير
بوزقوردلاريم يانيندادير
خوش گونلريم ياخيندادير
شؤوكته قوربان من اولوم.
آذربايجان ميللي شهيدي "توحيد آذريون" - سولدوزدان
Əgər sevənlərin sonu ayrılıqdırsa qismət eləmə sevgini insanlara .
اگر سئونلرين سونو آيريليق ديرسا قيسمت ائله مه سئوگيني اينسانلارا .
Goy yaşasınlar insanlar tək tək .
قوي ياشاسينلار اينسانلار تك تك .
Sevgi mənasını düşünməsinlər.
سئوگي معناسيني دوشونمه سينلر.
Bir birlərinə ürək verib sevişməsinlər.
بير بيرلرينه اورك وئريب سئويشمه سينلر .
Royalardada birləşməsinlər.
رؤيالاردادا بيرلشمه سينلر .
Sevgiləri sona çatanda diyə ürəklərinin sınmaq səsi ilə ağlamasınlar.
سئوگي لري سونا چاتاندا دئيه اوركلرينين سينماق سسي ايله آغلاماسينلار .
Hicran dərdinə düşüb xoş günləri xatırlamasınlar.
هيجران دردينه دوشوب خوش گونلري خاطيرلاماسينلار .
Etmə zülüm , vermə bu dərdi insanlara , sevməgi anlatma onlara.
ائتمه ظولوم ، وئرمه بو دردي اينسانلارا ، سئومه يي آنلاتما اونلارا .
Qoy ömürlük yalnız qalsınlar.
قوي عؤمورلوك يالنيز قالسينلار.
Ancaq heç zaman həsrətlə yaşamasınlar.
آنجاق هئچ زامان حسرتله ياشاماسينلار .
Yalvarıb göz yaşı tökərəm qarşında sənin.
يالواريب گوز یاشی تؤكورم قارشيندا سنين .
Etmə bu zülmü , etmə...
... ائتمه بو ظولمو ائتمه
ay sevgi tanrıcığım ...
... آی سئوگی تاریجیغیم
حورمتلی بابک قوجا اوغلونون 3 یئنی یازدیقی شعرلری:
(۱)
الین الیمده
گؤزون گؤزومده
سون گؤروش بیتدی ده
آیریلدیق یامان !
سن اوتایا
من بو تایا ...
کدردن یاریلدی
کؤرپونون باغری
هله ده یاراسی ساغالماییر هئچ ...
(۲)
دوداقلاری سوت قوخوسو
قاشلاری یای نازلی یاریم
قارا گؤزو جانلار آلار
منیم نازلی ـ دوزلو یاریم
اوره ییمده آلیشان سن
حزین حزین دانیشان سن
کوسوب ، همده باریشان سن
منیم نازلی ـ دوزلو یاریم
جنتیم وار قوجاغیندا
دونیانین دؤرت بوجاغیندا
ان مقدس اوجاغیندا
یاشار منیم نازلی یاریم
یاناقالری آل لاله دیر
ساچلاری گور شلاله دیر
هئچ بیلمیرم نه ناله دیر
ائدیر منیم نازلی یاریم
اللرینده دونیام قالمیش
شیرین آرزیم ، سؤزوم قالمیش
ائله منی درده سالمیش
اوزاقلیقلا نازلی یاریم
بابک گؤروب سئودی سنی
گل تامارزی قویما منی
هله کی وار سئوگی دمی
سئور منیم نازلی یاریم .
(۳)
سنسیز اوره ییمده نغمه لر قالیب
سن یوخسان باشیمدا خاطیرن قالیب
اللریم الینه یامان داریخیب
گلسنه بورادا گؤروشه ریک بیز .
ائله سنسیز گزیرم
بو خیاوانلاری
دئیه سن ازلدن
بیر «سنیم !» یوخموش
کوچه ده ، شهرده منه داریخیر
قاپی لار باغلیدیر ، تانیشیم یوخدور ...
ائله سنسیزم بو آخشام یامان
تبریزده حالیما اوخشاییر سانکی
سن گئتدین دالینجا اینان سئوگیلیم
ایشیق سیز گؤزلریم تامارزی قالدی .
یوللار چاغلایاردا ، آیری دا سالار
حیات بویوندا مین ایفاده سی وار
سئوه نی سئوه نه وئرسه ده آنجاق
یوللارا تامارزی باخانلاردا وار
حیات نه غریبه
دونیامیز یامان
منه ده ، سنه ده قیسقاندی تانری !...
شهر منیم چون بیر قارا دوستاق ،
یوللار عزرائیل تک آلار جانیمی .
لاپ بئله قاییتماق ایسته مه سنده
منیمسه گؤزلریم یوللاردا قالار
بو اوجا بینالار آراسی منیم
گؤزوم سئوگیلیمین آددیمیندا قالار ...
|
|
گؤزلیم !
سئومه یه جک ایدین سه
ندنسه گؤزلریمه توخونماق ایسته دین ؟ !
بلکه ده سن دئییلمیش سن
بلکه ده من
کابوس لار ایچینده
سئومیشم سنی .
بیر غریب آخشامین
غریب یولچوسو
بیر دلی شهرین ، دلی بالاسی
آه ...
سنی سئویرم .
باخمازسان اوزومه
گئدیرم اینان
لاپ بو یوللاردا
منی ساخلاماز
لاپ بو شهرده آنلاماز منی
آه ...
لاپ دلی جه سینه
اونوتسان منی
سئویرم ، گؤزلیم ، سئویرم سنی .
گئجه ...
تبریز ...
من ...
و ...
ندن سئومه یه جکسن منی ؟
گئدیرم ...
گئدیرم ...
« گؤروشه قدر » !
|
بیر شعر داها بابک قوجا اوغلودان: |
ساچلارينا بنزتميشم گئجه مي
اوزاق گزمه يانيما گل سئوگيليم
دوداغيندا ايتيرميشم سؤزومو
گولوشونله جانيمي آل سئوگيليم
سن او تايدا من بو تايدا آرالي
کؤنلوم درد ايلندن اولوب يارالي
يانيما گل آذربايجان مارالي
گولوشونله جانيمي آل سئوگيليم
کؤنلومده بو حسرن منه درد اولور
اوره ييمدن آخيب گؤزومه دولور
وئردييين گوللرين ايلمده سولور
گولوشونله جانيمي آل سئوگيليم
سن منيم چون يازيلماميش بير شعير
سطيرلر دينله نير سطيرلر دئيير
بو کلمه لر ماهني کؤينه يي گئيير
گولوشونله جانيمي آل سئوگيليم
بابکين شعرينده غم وار کدر وار
ووصالا چاتماغا مين بير تهر وار
هر گئجه سونوندا يقين سحر وار
گولوشونله جانيمي آل سئوگيليم
|
|
اولومه نه واركي ، بير دفعه ليك دي،
سئويب آيري دوشمك كاش اولما يا يدي
نغمه لر قوش كيمي قانادلا نا ندا
گؤزلردن سوزولن ياش اولمايايدي.
منيم قلبيم كيمي اينله مز كامان،
ايلك عشقي ايتيرمك ياماندي ، يامان!...
كؤنوللر اودلارا قالا نان زامان،
اوره كلر بركييب داش اولمايايدي.
من سني سئويرم ، سن واري، پولو،
گور هاردان دوشوبدو عشقيمين يولو...
نه منيم اوره ييم بير بئله دولو،
نه سنين اوره يين بوش اولمايايدي.
يار دئييب آغلايير كؤنلومون سازي،
بير گونده يوز دفعه يانيرام آزي!
شجاعت ، هئچ كسين باهاري ، يازي،
دؤنوب بيردن بيره قيش اولمايايدي.
|
|
چكير وارليغيمي دارا گؤزلری
آپارير روحومو هارا گؤزلرین
قارا بير محبس دير قارا گؤزلرین
بوراخ گؤزلرينين حبسيندن منی
...
یاندیریب ياخماقدا اؤد قودرتي وار،
تکجه من بيليرم نه حيددتي وار،
، آخی جزانين دا بير مدتي وار،
گؤزلرينين حبسيندن مني.بوراخ
...
قالديم جاذيبه نده بيهوش کیمی یم
مرحمت گؤزله ين باخيش کیمی یم
قفسه سالينميش بير قوش کیمی یم
بوراخ گؤزلرينين حبسيندن منی
...
گونوم ائله سندن شيكايت اؤلوب،
بو سئوگی بير داستان ،حئكايت اؤلوب
محبت نه واخت دان جينايت اؤلوب
بوراخ گؤزلرينين حبسيندن منی
...
زيندانا كؤنوللو سالديم اؤزومی
عيبي يوخ، پاييزا دؤندریازیمی
من گوناه ايشله ديم آرتیر جزامی
ساخلا گوزلرينين حبسینده منی
